Бездә дә булачак

Муниципаль район хакимиятендә эшкуарлык сәгате форматында чираттагы киңәшмә үтте. Анда ике эре инвестиция проекты каралды.

Илморза авылында этнопарк төзү – шуларның берсе. Ул миниатюралар паркын, кунакханә-ресторан комплексы һәм сыйфатлы комлык оештыруны үз эченә алачак. Планлаштырылган инвестицияләр күләме якынча миллиард сум тәшкил итә. Бизнес-проектны гамәлгә ашыру барышында 200 эш урыны булдырылачак. Проект башлангычы белән «Жульен» җәмгыяте чыгыш ясый.

Икенче проектны «Оазис» крестьян-фермер хуҗалыгы тәкъдим итә. Ул тиздән күпмаксатлы агротуризм комплексы төзиячәк. Киләчәктә страус, ат һәм башка хайваннар үрчетергә, экологик чиста продуктлар сатарга, табигатьтә ял итү, экскурсияләр үткәрергәниятлиләр.