Каза күрүчеләргә ярдәм

Кушнаренко районының Шәрип авылында су басудан зыян күргән кешеләргә кием һәм азык-төлек белән ярдәм күрсәтелде.

–Кәрәкә елгасында су өч метрга күтәрелде, ташкын бик тиз килеп җитте. Шул чакта этемне коткарып калу минем өчен иң мөһиме булды, – диде каза күрүчеләрнең берсе.

Ярдәм алучылар бу чараны оештыручыларның барысына да рәхмәтле.

Волонтерлар кешеләргә ярдәм күрсәтүне дәвам итәләр, төрле өмәләрдә актив катнашалар.