Әти-әниләр белән очрашулар

Кушнаренко районы мәктәпләрендә әти-әниләр белән очрашулар дәвам итә. Иске Тукмаклы һәм Әхмәт урта мәктәпләрендә үткән җыелышларда муниципаль район хакимияте башлыгының социаль сәясәт буенча урынбасары Фәнил Рамазанов, мәгариф бүлеге начальнигы Рәмилә Ибәкова катнашты. Анда чыгарылыш имтиханнарына әзерлек барышы, балаларның җәйге ялын оештыру, укучыларны тукландыру өлкәсендә дәүләт ярдәме турында мәсьәләләр каралды. Әти-әниләр үзләрен кызыксындырган барлык сорауларга тулы җаваплар алды.

Фәнил Рамазанов мәктәп ашханәләре җиһазларын яңарту буенча эшнең даими алып барылуын билгеләде. Һөнәр юнәлеше бирү темасы шулай ук зур кызыксыну белән тикшерелде. Мондый очрашулар дәвам итә.