Халык синоптигы: «Февраль башларында кар ишеп явачак»

– Карны болай күп явар дип көтмәгән идем. Быелгысы без көткәннән дә артып китте. Былтыр да аз булмады. Ул чакта көннәр җылы торгач, яңгырлар да яуды. Күп кар эреп бетте. Мин бу карларны соңрак көткән идем. Әле алар тагын булачак. Гыйнвар ахыры февраль башларында кар ишеп явачак, – ди ул. – Авыл хуҗалыгы өчен дә сөенәм. Башта уҗымнарда кар юк иде. Раштуа бәйрәме алдыннан җылытып алды да, аннары кар яуды. Бу бик кирәкле иде. Кар тиз ятты. Буранга килгәндә, ике ел элек мондый хәл күренмәде. Башка вакытта ул җылы яктан килә иде. Быел бураны да салкын җилле булды. Чын кыш әнә шундый була инде ул.

Атна ахырына җылытачак. Кач манудан соң,гел шулай була. Киләсе атнада тагын салкыннар көтелә.