Юл эшләре башлана

Авылларыбыз матур булсын

Юл эшләре башлана

Әхмәт, Горький һәм Кушнаренко авыл биләмәләрендә юллардагы чокырларны ямау башланды. Ә район үзәгендә яшәүчеләр Октябрь һәм Юрьев урамнарындагы кайбер участокларны тәртипкә китерүгә сөенәләр. Район күләмендә юлларны ремонтлау буенча шактый эш күләме карала.

– Җәй дәвамында барлык урамнар да төзекләндерелер дип ышанабыз. Такыр юллардан үтүләре күңелле бит, – ди Рәзим абый Галиев.

Район буенча 2500 квадрат метрдан күбрәк мәйданда чокырларны асфальтлап, тигезлисе бар. Моның өчен җирле бюджеттан 2,5 миллион сумга якын акча бүленгән.

– Иң башта аеруча начар юлларны тәртипкә китерәбез. Юл төзү-ремонтлау идарәлегенең бердәм командасы чокырларны тузан һәм пычрактан тазартып, асфальт җәйделәр. Моңа 100 мең сум акча бирелде, – ди Әхмәт авыл биләмәсе башлыгы Зилә Ялаева.

Хәзер әхмәтлеләр тигез юллардан йөриячәк. Алда тагын да күләмле эшләр көтә.

#национальныепроекты;

#нацпроекты;

#региональныепроекты;

#регпроекты;

#нацпроектыБашкортостан