Әзер булырга кирәк

«ЯҢА КӨН» – ЯҢА ХӘБӘР

Әзер булырга кирәк

Башкортстан Башлыгы вазыйфасын вакытлыча башкаручы Радий Хәбиров республика Хөкүмәтенең оператив киңәшмәсен үткәрде.

Торак-коммуналь хуҗалык министры вазыйфасын башкаручы Михаил Киреев сүзләренә караганда, 1-30 октябрьдә Башкортстанда 8 сәгатьтән артык вакытка коммуналь хезмәтләр туктатылып торган 8 авария булган.Өчесе җылылык, өчесе кайнар су, икесе салкын су бирүне туктатып тору белән бәйле.

– Беренче кар һәм суыклар торак-коммуналь хуҗалыкның ныклыгын сынады. Хезмәткәрләр һәм техника кышкы чорда эшләргә тулысынча әзер, – диде Михаил Киреев.

– Кышның сюрпризларына әзер булырга кирәк,–диде Радий Хәбиров, муниципалитет башлыкларына мөрәҗәгать итеп. – Йортларда җылы, урамнар тазартылган булырга, кешеләр һава шартларына бәйле уңайсызлыклар кичермәскә тиеш.