Тәгәрмәчләрегез җырлап әйләнсен!

Район данын тренер-укытучы Айдар Сәетов җитәкчелегендә балалар спорт мәктәбенең 14 тәрбияләнүчесе яклады.

Унике яшьлек егетләр катнашкан төркем ярышында да, боҗралы узышта да җиңүчеләр пьедесталының барлык баскычларын яшь кушнаренколылар яулады. Биредә иң яхшы нәтиҗәне Тимур Хәкимов күрсәтте, Артур Абдуллин – икенче, Эльхан Галәветдинов өченче урында.

Унбиш-уналты яшьлек егетләр арасында ярышларның ике төрендә дә Әмир Сәфәров дүртенче урынга чыкты.

Унөч-ундүрт яшьлекләр арасында Денис Спиридонов шулай ук ике төрдә дә өченче урынны яулады.

Кызлар арасында Карина Шәрәфетдинова төркем ярышларында бронза медальгә ия булды.

Яшь велосипедчыларыбызны һәм аларның тренерларын ихлас тәбриклибез. Тәгәрмәчләрегез җырлап әйләнсен! Спортта яңадан-яңа җиңүләр телибез.

Денис БУЗАНОВ, балалар спорт мәктәбенең укыту-тәрбия эше буенча директор урынбасары.