Ат үрчетергә ниятли

Муниципаль район хакимиятендә район хакимияте башлыгы вазыйфасын вакытлыча башкаручы Марат Әхмәдуллин катнашлыгында чираттагы эшкуарлык сәгате үтте. Анда яңа кызыклы проект каралды.

Проектны тәкъдим итүче район җирлегендә атчылык тармагын үстерергә ниятли. Башкорт токымлы атлар үрчетү, ат ите һәм кымыз җитештереп сату – аның төп максатлары. Проект өчен 3 миллион сум акча юнәлдерү планлаштырыла.

Болардан тыш «Агростартап» эшкуарлыкка ярдәм итү проектында катнашу инвесторга үсеш өчен яңа мөмкинлекләр бирәчәк. Дүрт эш урыны булдыру карала.