Пенсиягә чыгу яшен кире кайтарырлармы?

Мәскәү шәһәр Думасы пенсия реформасын юкка чыгарырга һәм русиялеләр өчен пенсия яшен кыскартырга тәкъдим итте. Ләкин, бу инициатива закон чыгаручылар арасында кирәкле тавыш җыя алмады. Бу турыда Коммунистлар партиясе фракциясе депутаты Екатерина Енгалычева белдерде.

"Без пенсия реформасын бетерү һәм пенсия яшен киметү буенча искиткеч закон проекты әзерләдек. Проектны барлык оппозиция фракцияләре депутатлары хуплады, ләкин “Бердәм Русия” нең бер генә вәкиле дә пенсия реформасын юкка чыгару өчен тавыш бирмәде. Пенсия реформасы хакимият партиясе хатасы, пенсия яшен арттыру һәм керемнәр дәрәҗәсенең кискен төшүе "олы буын геноциды" булып тора”, - диде депутат.

Элегерәк "Гадел Русия" партиясе башлыгы Сергей Миронов пенсия реформасы өчен җаваплы кешеләрне атады. “ Владимир Путинны хөкүмәтнең икътисади блогы ялгыш карар кабул итәргә этәрде. Пенсия яшен күтәрү урынына пенсия фондына бюджеттан акча бүлүне генә арттырырга кирәк иде. Хөкүмәтнең моның өчен акчасы җитәрлек”, -диде Сергей Миронов.