Бала машинаны кабызган һәм әнисен таптатып үтергән

Курск өлкәсендә алты яшьлек малай машина руле артына утырган һәм, үзе дә аңламыйча, әнисен таптатып үтергән. Бу турыда «Комсомольская правда» хәбәр итте.

Фаҗига 2 майда була. Щигра район үзәгендә яшәүче гаилә Пасха бәйрәменә зиратка килә. Алар ВАЗ машинасында була. Автомобиль белән әти кеше идарә итә. Зират янына килеп җиткәч, машинаны парковкада калдыралар. Якынча белешмә буенча, салонда бары тик алты яшьлек малай гына кала.

Курск өлкәсе буенча Эчке эшләр министрлыгының матбугат хезмәте җитәкчесе Лилия Каменева әлеге фаҗига турында аңлатма биргән.

«Якынча версия буенча, алты яшьлек малай ВАЗ 21074 машинасы салонында ялгызы була. Йөртүче ир-ат машина ачкычын да шунда калдырган. Бала ачкычны борган һәм машина артка таба китә башлаган. Баланың 27 яшьлек анасы бу вакытта урамда була, ул машина артка киткәнен күреп ала. Мөгаен, бу хатын үзләренең машинасы артта тора торган „Ниссан Мурано“га бәрелер дип курка һәм ВАЗны куллары белән тотып тормакчы була. Ләкин хатын машинаны тукта алмый. Ул ВАЗ һәм „Ниссан Мурано“ автомобильләре арасында кысылып кала», — ди ул.

Имгәнгән хатынны Щигра хастаханәсенә китерәләр. Ләкин, кызганычка каршы, табиблар аның гомерен саклап кала алмый.

Тикшерү эшләре бара. Курск өлкәсе буенча Тикшерү идарәсе җитәкчесенең ярдәмчесе Наталья Зарубина сүзләренчә, машина йөртүче ачкычны салонда калдыру сәбәпләре ачыклана.

Тулырак: Интертат.

Чыганак: intertat.tatar

Фото: Русиянең Курск өлкәсе буенча Эчке эшләр министрлыгы идарәсеннән.

Читайте нас:

Гәзит элемтә, мәгълүмати-технологияләр һәм массакүләм коммуникацияләр өлкәсендә күзәтчелек буенча федераль хезмәтнең Башкортстан Республикасы буенча идарәлегендә 2015 елның 5 августында теркәлде

Баш мөхәррирә Ф.Б.Низаева

Телефон

8(34780)5-79-85

Электрон почта

[email protected]

Адресы

Республика Башкортостан, Кушнаренковский район, с.Кушнаренково, ул.Октябрьская, 47

Реклама хезмәте

8(34780)5-77-58

Кадрлар бүлеге

8(34780)5-77-58