Мәктәп автобусында... исерек водитель

Инспекторлар машина йөртүче белән әңгәмә вакытында көчле хәмер исен тойганнар.

Зианчура районында мәктәп автобусы руле артында водительнең исерек булуы ачыкланган. Аны көннең икенче яртысында үткәрелгән рейд вакытында юл-патруль хезмәте инспекторлары Күгәрчен-Ибрай автоюлының 14нче чакрымында туктатканнар, дип хәбәр итә “Башинформ” агентлыгы.
Салонда 3, 11 һәм 12 яшьлек өч бала һәм озатып баручы була. Мәктәп яшендәгеләре – дәресләрдән соң, кечкенәсе балалар бакчасыннан Ибрай һәм Байдәүләт авылларына кайтып барганнар.

“Инспекторлар машина йөртүче белән әңгәмә вакытында көчле хәмер исен тойганнар. Тикшерү вакытында алкотектор литрга 1, 075 миллиграмм күрсәткән. Бу бик зур күрсәткеч”, – дип хәбәр итәләр ЮХХДИның матбугат хезмәтендә.

42 яшьлек ир алкогольне кичә куллануын әйткән. Ул автобус белән идарә итүдән читләштерелгән, аңа карата административ материаллар төзелгән. Балаларны йөртү хәвефсезлеген контрольдә тоту йөкләнгән җитәкчеләр җаваплылыкка тарттырылачак.
Балаларны тиешле урынга кадәр илтеп куйганнар. Тикшерү башланган.

Фото: ГИБДД по РБ

Читайте нас:

Гәзит элемтә, мәгълүмати-технологияләр һәм массакүләм коммуникацияләр өлкәсендә күзәтчелек буенча федераль хезмәтнең Башкортстан Республикасы буенча идарәлегендә 2015 елның 5 августында теркәлде

Баш мөхәррирә Ф.Б.Низаева

Телефон

8(34780)5-79-85

Электрон почта

[email protected]

Адресы

Республика Башкортостан, Кушнаренковский район, с.Кушнаренково, ул.Октябрьская, 47

Реклама хезмәте

8(34780)5-77-58

Кадрлар бүлеге

8(34780)5-77-58