Ялган аракы сатучыларны ачыклау рейды үткәрелде

Уфада "Бердәм Русия" партиясенең "Хәвефсез Республика" проекты кысаларында "Тукта, суррогат" акциясе үткәрелде. Активистлар кешеләрнең шикаятеннән соң башкалада 20 дән артык пунктны тикшерделәр.

Шулай итеп, Калинин районында хокук бозу расланды. Полиция хезмәткәрләре вакыйга урынына килеп, беркетмәләр төзеделәр. Активистлар әйтүенчә, монда ялган спирт һәм суррогат бик күп табылган һәм аларны алып китү өчен Газель машинасы кирәк булган.

Бу турыда "Бердәм Русия" партиясенең «Хәвефсез Республика» региональ проект координаторы Антон Буфетов белдерә.

Исегезгә төшерәбез, "Суррогатны туктат" акциясенең икенче этабы бара. Суррогатны яшерен җитештерү һәм яшерен сату турында хәбәр иткән гражданнарга акчалата бүләк бирелә. Суррогат спирт җитештерүчеләр турында мәгълүмат биргән өчен - 50 мең сум, сатучы турында хәбәргә – 2 мең сум. Моның өчен 8-800-201-89-03 телефонына шалтыратырга һәм андый урыннарның адресын әйтергә кирәк.