Барлык яңалыклар
Общество
22 февраль 2021, 23:14

Кушнаренко күркәмләнә!

Кушнаренко күркәмләнә!

Кушнаренко районының үзәге елдан-ел үзгәрә һәм матурлана бара. Ә тиздән мәдәни-спорт комплексы бинасы территориясе дә төзекләндереләчәк.

Кушнаренко хакимиятендә быел «Торак һәм шәһәр мохите» гомумдәүләт проекты кысаларында район үзәгенең мәдәни-спорт комплексы янындагы территорияне төзекләндерү эшләре башкарылачак, дип сөйләделәр.

Белгечләр мәдәни-спорт комплексының уң ягында проект буенча өйләнешүчеләр өчен зона булдырылачагын аңлатты. Аларның сүзләренә караганда, биредә кече архитектура формалары - «Мәхәббәт» сүзе урнаштырылачак. Шулай ук хисләрнең ныклыгын күрсәтүче «Өйләнешүчеләр агачы» да барлыкка килергә тиеш.

Ә хәрефләр артында фонтан урнаштырылачак. Шулай ук мәдәни-спорт комплексы территориясенең уң як почмагында амфитеатр җиһазландырылачак, бу исә ял итү һәм чараларны тамаша кылу өчен иркен һәм уңайлы урыннар тудырачак. Мәйданчыкның калган зонасы зур булмаган газоннарга, клумбаларга бүленәчәк.

Фото: Башкортстан Хөкүмәте

Читайте нас в