Акча аласың киләме? Мартта өлгереп кал!

Гаризаны “Госуслуги” порталы аша яки шәхсән Русия Пенсия фондының район һәм шәһәрләрдәге клиент хезмәтләренә барып тапшыру отышлы. Бу 2020 елның 1 июленнән соң туган балаларга финанс ярдәме алуга да кагыла. Гаризада һәр баланың туу турында таныклык мәгълүматларын һәм акча күчереләчәк банк счеты реквизитларын күрсәтергә кирәк. Гариза, шулай ук, элегрәк балалар өчен түләү алган ата-аналарның банк счеты ябылган очракта да кирәк булачак.

Бер тапкыр бирелә торган ярдәм 7 яшькә кадәрге балаларның ата-аналарына, уллыкка алучыларга, опекуннарына һәм попечительләренә бирелә. Аның күләме 5 мең сум тәшкил итә. 2020 елда 3 яшькә кадәрге балалар өчен айлык финанс ярдәме яки 3 яшьтән 16 яшькә кадәрге балалар өчен бер тапкыр бирелә торган түләү алган бөтен гаиләләргә дә декабрьдә Русия Пенсия фонды хезмәткәрләре автоматик рәвештә 5 мең сум акча күчерде. Безнең республикада 2020 елның 17 декабренә 8 яшь тулмаган 387 мең балага әлеге акчалар күчерелде, дип хәбәр итә Башкортстан Республикасы буенча Русия Пенсия фонды бүлеге җитәкчесе Фоат Хантимеров.