Коронавирус чигенергә уйламый

Башкортстанда, 7 гыйнварга булган мәгълүматларга караганда, коронавирус инфекциясеннән өч кеше үлгән. Вафат булучыларның гомум саны 152 кешегә җиткән.

Тәүлек эчендә коронавирус йоктыруның 165 очрагы теркәлгән. Башкортстанның 238 кешесендә үпкә ялкынсынуы диагностикалаган.

Стационарларда әле 705 кеше дәвалана, 48 кеше авыр хәлдә, үпкәләрне ясалма вентиляцияләү аппаратында - 11 кеше. 4050 кеше өйдә дәвалана.

Барлыгы 2 070 827 тикшеренү үткәрелгән.