Игътибарлы һәм сак булыгыз!

ЮХИДИ хәбәр итә һәм искәртәИгътибарлы һәм сак булыгыз!Мәскәү – Уфа юлыннан «Лада Калина» автомобилендә республика башкаласы ягына хәрәкәт итүче Чакмагыш районы кешесе Кушнаренко авылы турысында велосипедта барган 17 яшьлек кызны бәрдерә. Каза күрүче тән җәрәхәтләре белән дәваханага озатыла.Кызның якынлашып килүче автомобиль алдына кинәт килеп чыгуы ихтимал. Велосипедта хәрәкәт иткәндә игътибарлы һәм сак булырга кирәк. Ә водительләр, велосипедта хәрәкәт итүчене күргәч, тизлекне киметергә әзер торырга тиеш.Барыгызга да имин юллар телибез, хөрмәтле кушнаренколылар һәм район кунаклары!Велосипедта һәм скутерда йөрүче балалар аеруча хәвеф тудыра. Юлларда велосипедта йөрү – 14, скутер һәм мотоциклда «М» һәм «А» категорияләре булган 16 яшьлек кешеләргә генә рөхсәт ителүен онытырга ярамый.Балага 16 яше тулмаган булса, җаваплылык аның ата-анасына йөкләтелә.Илдус ӘХМӘТОВ,ЮХИДИ бүлекчәсенең пропаганда инспекторы.