Дүртөйле районы Әсән авылының үрнәк китапханәсендә ачылырга тиеш

Әйе, һич хата юк. Интернет-гаджетлар заманында хәтта балалар уйный торган комлык та интерактив төс ала икән. Мәшһүр Бабич Ватаны – Башкортстанның Дүртөйле районы Әсән авылының үрнәк китапханәсендә мондый «комлык» 5 ноябрьдә ачылырга тиеш.

2020 елның 5 ноябрендә Дүртөйле районы Әсән авыл китапханәсе китапханәчеләре яшь китап укучылар игътибарына балалар хыялларын чынбарлык ясый торган интерактив комлык тәкъдим итәчәк. Бу эш «Мәдәният» гомумдәүләт проекты кысаларында тормышка ашырыла.

Бу көнне интерактив уен формасындагы дәрес узачак: аның барышында балалар әйләнә-тирә дөньяны һәм табигый күренешләрне (таулар, вулканнар, шарлавыклар, боз дәвере) өйрәнеп, төрле формалар һәм чәчәкләр белән эшләүне, хәтерне, күрү сәләтен, логик һәм образлы фикерләүне, фантазияне, координацияне үстерә алачак.

Яңа интерактив җиһаз балаларга төрле мәгълүмат бирү өчен дә, аларның фантазиясен, иҗади байлыгын, танып-белү мөмкинлекләрен үстерү өчен дә хезмәт итә, аларның күңелләренә файдалы идеяләр сала, кызыксынуларын арттыра.

Мәктәп каникуллары вакытында китапханәдә «Төрле төсле уен»дигән конкурс программасы узды. Балалар актив катнаштылар, аларны бигрәк тә призлар куандырды. Шулай итеп, күптән түгел ачылган Әсән үрнәк китапханәсе үз эченә балаларны җыеп, гүзәл бер мәдәни үзәккә әверелеп бара.