Яңа ультратавыш диагностик аппараты куелды

Республика балалар клиник дәваханәсенә яңа ультратавыш диагностик аппараты куелды.

- Аппарат датчикларның оптималь җыелмасы белән җиһазландырылган, бу киң тикшеренүләр спектрын уздыру мөмкинлеге бирә. Аның ярдәмендә корсак куышлыгы, бөер, баш мие, сөяк-буыннар системасы һәм кече оча органнары авыруларына диагностика үткәрергә мөмкин. “Logiq e R8” югары класслы портатив ультратавыш сканерын ашыгыч ярдәм күрсәтү, амбулатор шартларда да куллану уңайлы, - дип билгеләп үттеләр Сәламәтлек саклау министрлыгы матбугат хезмәтендә.