Яңа җиһаз кайтарылды

Владимир Путинның май указлары белән расланган “Сәламәтлек саклау” гомумдәүләт проекты Башкортстанда уңышлы тормышка ашырыла. Шушы көннәрдә проект кысаларында Республика клиник онкология диспансерына гематология анализаторы кайтарылды.

Япониядә җитештерелгән NX-10 гематология анализаторы элек югары җитештерүчәнле анализаторлар кулланып эре лабораторияләрдә генә алырга мөмкин булган яңа диагностика параметрларын билгели.

Башкортстанның Сәламәтлек саклау министрлыгында билгеләүләренчә, җиһаз киң мөмкинлекләре булу белән аерыла. Заманча гематология анализаторын алу экспресс-лабораториянең клиник-диагностика эше дәрәҗәсен күтәрәчәк.