Әбүнәче көне үтте

«Яңа көн» район гәзитенең тарихы озын һәм матур. Ул туксан елдан артык укучы белән эчкерсез әңгәмәләшә. Гәзит күп кушнаренколыларның тормышына үтеп керде һәм аларның ышанычын яулады. Вакыт үтү белән гәзит тә, аның эчтәлеге дә үзгәрде. Тик иҗат коллективының районның иң яхшы кешеләре турында барлык казаныш һәм яңалыкларны яктырту теләге генә үзгәрешсез калды.

Әбүнәче көненә килүчеләр һәркайсы канәгать калды һәм йортына күтәренке кәеф белән кайтып китте. Агымдагы елның икенче яртысына вакытлы басмаларга язылу өчен вакыт бар әле, ләкин моны соңгы көнгәчә калдырырга кирәкмәс. Район гәзитен редакциядән үзең килеп алу шарты белән арзангарак бәягә дә язылырга мөмкин.