Диктантта катнаштылар

Безнең районда 700дән артык кеше диктант язды. Белем бирү учреждениеләре укучыларыннан тыш, аңа укытучылар, тәрбиячеләр, әти-әниләр кушылды. Әхмәт һәм Бакай авыл биләмәләрендә аеруча активлык күрсәттеләр.

Оештыручылар билгеләвенчә, эшләрне тикшерү өчен берникадәр вакыт кирәк булачак. Моның өчен республиканың 200 укытучысыннан экспертлар төркеме оештырылды. Анда Шәрип авылыннан Гөлфия Алхужина һәм Иске Камышлыдан Индира Сабитова керде. Нәкъ алар башкорт теле буенча халыкара диктантта катнашучылар эшен бәһалаячак.