Балыкларым һәм тутый кошларым – минем сөенечем

Чираттагы хатны Бөре шәһәреннән унбер яшьлек Регина Шәнгәрәева язып җибәргән.

Һәр гаиләдә дүрт аяклы дуслар яши торгандыр. Ул эт яки песи, диңгез дуңгызы яки әрлән булуы ихтимал. Ә кайвакыт йортта бөтенләй гаҗәеп хайваннарга урын табыла: ташбака, керпе, төрле балыклар... Араларында дүрт аяксызлары булуга карамастан, аларның һәммәсе дә хуҗаларына сөенеч, яхшы кәеф бүләк итә.

* * *

«Борынгы заманнан ук тутый кошларны йортта тотканнар. Бу гореф-гадәт Һиндстанда башланган. Башта бу кошларны байлар сарайларында гына тотсалар, тора-бара алар затлы нәселдән булган кешеләр йортларында да очрый башлый. Мондый кошка ия булуны тик байлар гына үзләренә рөхсәт итә алган. Бүген тутый кошны һәркем тәрбияли алуы никадәр сөенечле», – дип яза безгә Сабир.

Гаилә әгъзалары үзләренең «гуппи» токымлы балыкларын да бик яраталар. Алар әлеге кечкенә балыкларны матур төсләре өчен, актив булулары һәм карауда катлаулыклар тудырмавы өчен үз итәләр.

* * *

Хөрмәтле укучылар! Сездән дә 8-919-615-74-19 номерына йорттагы дустыгыз турында зур булмаган хәбәрләр көтеп калабыз.