-4 °С
Болытлы
Барлык яңалыклар
Киңәшләр
29 март 2019, 17:19
Мең дә бер киңәш
Үсентеләрне пикировкаларга вакыт!
Мең дә бер киңәш
Үсентеләрне пикировкаларга вакыт!Үсентеләрне үзләре үстергән бакчачылар яхшы белә: бары тик вакытында яхшы тәрбия күргән үсентеләр генә җәй буе мул уңыш бирәчәк. Шуңа да һәр эшне вакытында һәм җиренә җиткереп башкарырга кирәк.
Бакчачылар өчен шундый эшләрнең берсе — үсентеләрне пикировкалау. Гади генә итеп әйткәндә, икенче зуррак савытларга күчереп утырту. Бигрәк тә ул помидорлар өчен мөһим санала, аларның тамырлары ныклы булып үсәчәк. Помидор үсентеләре 1-2 чын яфрак (иң беренче чыккан икесе саналмый) чыгару белән пикировкалау эшенә тотыналар. Башта үсентеләргә мул итеп су сипсәң, аларны савытыннан алу җиңеләя. Бу юлы үсентеләрне 6x6 яисә 8x8 сантиметрлы савытларга утырту әйбәт була. Пикировкалау вакытында чәчкәннәрне орлык өлешенә кадәр күмдерәләр. Әгәр үсентеләр бик озынаеп киткән булса, күчергәндә аларны бераз яткырып утырталар. Күчереп утыртканнан соң янә су сибәргә онытмагыз. Сыек төстәге марганцовкалы су сибү яхшырак булыр.
Помидор үсентеләре пикировкалауны җиңел кичерә, тиз үсеп китә. Ә менә борыч белән баклажанга саграк караш кирәк. Помидорны пикировкалау мәҗбүри саналса, борыч белән баклажан үсентеләре үстерүнең ике юлы бар. Аларны пикировкалау юлы белән дә, савытыннан күчермичә дә үстерергә мөмкин. Мондый үсентеләр күчереп утыртканнан соң озак кына үсеп китә алмый утыра.
Помидор үсентеләрен соңга калыбрак күчерергә яраса да, баклажан белән борычны иртәрәк пикировкалау отышлы булачак. Артык үсеп киткән үсентеләр начар тернәкләнә.
Үсентеләр яхшылап тернәкләнеп, үсеп киткәч кенә аларны тукландырырга мөмкин.
Читайте нас:
© 2024 БАШКОРТСТАН РЕСПУБЛИКАСЫ КУШНАРЕНКО РАЙОНЫ МУНИЦИПАЛЬ РАЙОНЫ ИҖТИМАГЫЙ-СӘЯСИ ГӘЗИТЕ
Гәзит элемтә, мәгълүмати-технологияләр һәм массакүләм коммуникацияләр өлкәсендә күзәтчелек буенча федераль хезмәтнең Башкортстан Республикасы буенча идарәлегендә 2015 елның 5 августында теркәлде
Баш мөхәррирә Ф.Б.Низаева
Телефон
8(34780)5-79-85
Электрон почта
Адресы
Республика Башкортостан, Кушнаренковский район, с.Кушнаренково, ул.Октябрьская, 47
Реклама хезмәте
8(34780)5-77-58
Кадрлар бүлеге
8(34780)5-77-58