Эшенә карап хөрмәт

«БашАгроИнвест» җәмгыятенең Кушнаренко бүлекчәсе механизаторы Дамир Гыйләҗетдинов өчен узган ел тырыш һәм нәтитәле хезмәт елы булды.
Авыл хуҗалыгы предприятиесе райондагы шактый җирләрне эшкәртә. Д.Гыйләҗетдинов куәтле «Джон Дир» тракторына идарә итә. Заманча чәчү комплексы белән агрегатланган тракторда ул алты мең гектар тирәсе мәйданда язгы һәм көзге чәчњне башкарды. Туңга сөрүдә дә Дамир Таһир улы матур нәтиҗәләр күрсәтте.
Авыл хуҗалыгы һәм җитештерү сәнәгате көненә багышланган тантаналы җыелышта Д. Гыйләҗетдиновка Башкортстан Республикасы Авыл хуҗалыгы министрлыгының Мактау грамотасы тапшырылды.

А.НИЛОВ.