Модага кергәнме әллә?
* Первушино авылында яшләүче бер ханым кәрәзле телефон урлаулары хакында хәбәр итә. Җинаять эше кузгатылды.
* Җинаятьчеләрне эзләү бүлеге хезмәткәрләре 36 яшьлек кушнаренколыны кәрәзле телефонын урлаган кешене ачыклады. Ул 26 яшьлек Казарма авылы кешесе булып чыкты. Аңа карата җинаять эше кузгатылды.
Баскычка да, капкачка да тынгы юк
* «Трансмост» җәмгыяте вәкиле билгесез затларның М-7 Волга автомобиль юлында урнаштырылган төшү баскычларының рәшәткәләрен урлаулары хакында гариза яза. Әлеге вакыйга буенча тикшерү алып барыла.
* Кушнаренко торак-коммуналь хуҗалыгы вәкиле район үзәгенең Дзержинский һәм Базар урамнарындагы коеларның чуен капкачларын урлаулары турында хәбәр итә. Җинаять ясаучы затлар инде билгеле. Бу кырын гамәлне ике 22 яшьлек кушнаренколы башкаруы ачыкланды. Аларга карата җинаять эше кузгатылды.
Уяулыкны югалтмагыз!
Республика киңлекләрендә ялгыз һәм өлкән яшьтәге гражданнарны алдау һәм аларның мөлкәтләрен урлау күренешләре ешайды. Җинаятьчеләр газ хезмәте һәм социаль хезмәткәрләр кыяфәтендә йортка кереп, гражданнарның акчасыз калдыралар.
* * *
Район биләмәсендә «Анаконда», «Комарлы уеннар», «Үсмер. «Игътибар: балалар!» һәм башка искәртү чаралары үткәрелә.
Полиция мәгълүматлары буенча әзерләнде.