Хәтер туфрагы

Башкортстанда Россия Герое генерал Шәйморатовка куелачак һәйкәл нигезенә туфрак тутырылган гильза салуга багышланган «Хәтер туфрагы» республика марафоны дәвам итә.

Акциягә безнең район да кушылды. Кушнаренко авылының Җиңү паркында тантаналы митинг үтте. Марафонның асылы Бөек Ватан сугышында һәлак булганнар истәлегенә куелган мемориал, обелиск, һәйкәлләр яныннан символик туфрак җыюдан тора.