Спортка игътибар арта

Муниципаль район хакимиятендә чираттагы эшкуарлык сәгате үтте. Анда спорт клубы оештыру һәм төзү буенча инвестиция проекты каралды.

Проект өстәмә белем бирү – физик культураны үстерүне, атап әйткәндә, спортның классик һәм пляж волейболы, йөзү, җиңел атлетика кебек төрләрен махсуслаштыруны максат итеп куя.

Проект белән чыгыш ясаучы балаларны волейбол уенына һәм йөзәргә өйрәтү буенча төркемнәр оештырган да инде. Үз акчасына һәм иганәчеләр ярдәме белән пляж волейболы өчен мәйданчыкны яңарткан, спорт кирәк-ярагы сатып алган.