Тагын бер сабыйның гомере аянычлы өзелде...

Бүген, 23 июльдә, Уфаның мәгълүмат-диспетчерлык үзәгенә Сипайлово бистәсендәге Яр буе урамындагы 25нче йорт янында кыз баланың үле гәүдәсе ятуы турында хәбәр килгән.

"Урынга ашыгыч хезмәтләр җибәрелде. Кызганычка каршы, ашыгыч ярдәм табиблары 5 яшьлек кызның үлемен раслаган. Башлангыч мәгълүматлар буенча, бала 15нче каттан егылып төшкән”, - дип хәбәр иттеләр шәһәрнең Гражданнарны яклау идарәсе матбугат хезмәтендә.

Башкортстан буенча Эчке эшләр министрлыгының матбугат хезмәте мәгълүматлары буенча, урында тикшерү-оператив төркем эшли, бәхетсезлек очрагының хәл-шартлары ачыклана. Мәгълүм булуынча, баланың әти-әнисе беразга гына өйдән чыккан булган. Бу вакыт эчендә сабый 15нче каттагы фатир тәрәзәсе төбенә менеп баскан...

"Полиция янә искәртү ясый: уен вакытында балалар хәвеф янаганын бәяли алмый, өлкәннәр балаларның хәвефсезлеген тәэмин итәргә тиеш. Тәрәзәләрне җилләтү режимында гына ачыгыз. Тәрәзәләргә рәшәткәләр яки махсус йозаклар-блокираторлар куегыз. Москит челтәре ышанычлы түгел. Ул хәтта кечкенә баланың да авырлыгын күтәрми”, — дип белдерделәр Башкортстан буенча Эчке эшләр министрлыгының матбугат хезмәтендә.

Фото: Шәһәрнең Гражданнарны яклау идарәсе матбугат хезмәте

Автор:Фангия Низаева

Читайте нас:

Гәзит элемтә, мәгълүмати-технологияләр һәм массакүләм коммуникацияләр өлкәсендә күзәтчелек буенча федераль хезмәтнең Башкортстан Республикасы буенча идарәлегендә 2015 елның 5 августында теркәлде

Баш мөхәррирә Ф.Б.Низаева

Телефон

8(34780)5-79-85

Электрон почта

[email protected]

Адресы

Республика Башкортостан, Кушнаренковский район, с.Кушнаренково, ул.Октябрьская, 47

Реклама хезмәте

8(34780)5-77-58

Кадрлар бүлеге

8(34780)5-77-58