Яңа көн
+23 °С
Яңгыр
Барлык яңалыклар
Общие статьи
25 февраль 2021, 12:57

Мәктәпләрдә туклануны оештыруга җитди игътибар бирелә

Мәктәпләрдә туклануны оештыруга җитди игътибар бирелә

Ачык ишекләр көне үткәрүнең максаты мәктәптә туклану оештыруга ата-аналар җәмгыятендә уңай караш формалаштыру. 24 февральдә 65 нче Татар гимназиясендә ата-аналар җәмгыяте арасында мәктәптә туклануны оештыру, укучылар арасында кайнар ашның файдасы турында мәгълүмат бирү һәм уңай караш формалаштыру өчен, мәктәп укучыларының иртәнге һәм төшке аш менюларын татып карау үткәрелде. Чараны оештыруда ашханә хезмәткәрләре, мәктәп туклануын оештыру үзәге, мәктәп вәкилләре һәм ата-аналар актив катнаштылар. Чара башланганчы, мәктәп директоры Әнфисә Фәрит кызы Галимҗанова, бүгенге ачык ишекләр көненең бурычлары һәм максатлары белән таныштырды. Мәктәп туклануын тәэмин итү үзәге директоры Римма Галиева килүчеләрне меню белән җентекләп таныштырды һәм сорауларга җавап бирде: "Бу меню гигиена һәм эпидемиология үзәгендә эксперт анализы үтте һәм мәктәп яшендәге балалар өчен аш әзерләү өчен барлык таләпләргә һәм стандартларга, сәламәт туклану таләпләренә туры килә”, - дип белдерде. Чарада катнашучылар кызыклы сораулар бирделәр, ризык һәм диетаны оештыруга теләкләрен һәм тәкъдимнәрен әйттеләр. Ата-аналар әзерләнгән ризыкларны тәмнәп карадылар, кызыксындырган сорауларына җаваплар алдылар. Алар ризыкларның сыйфатына һәм төрлелегенә уңай бәя бирделәр.

Менә бүгенге тестта катнашучыларның фикере:

Моратова Р.Р. 5 В, 1Б сыйныфларда укучыларның әнисе: “Мәктәбебездә балаларыбыз көн саен ашаган ризыкларны татып карау мөмкинлеге өчен безнең мәктәпкә зур рәхмәт. Бу вакыйга, үз чиратында, безгә барысы да ачык икәнлеген, монда бернәрсә дә яшерен түгеллеген күрсәтә. Көндәлек менюдан ашамлыклар татып карадык, барысы да өйдәге кебек тәмле итеп әзерләнгән".

Шаяхметова А., 1А сыйныфы укучысының әнисе “Бүген мәктәптә безнең балалар өчен көн саен ашый торган төрле ризыклар һәм эчемлекләр татып карадык. Пешекчеләрнең дустанә коллективы, яхшы мөгалләмәсе, җаваплылыгы миңа бик нык тәэсир итте. Ризыкларның төрлелеге бик бай. Эчемлекләр, камыр ризыклары, салатлар һәм кайнар ашлар барсы да тәмле. Барысы да яңа ингредиентлар белән әзерләнгән һәм күңел биреп пешерелгәнлеген тойдык. Мин бик шат, безнең балаларыбыз тәмле һәм сыйфатлы ризыклар гына түгел, ә мәхәббәт белән әзерләнгән сәламәт продуктлар ашыйлар".

Киреева В. А 11 сыйныф укучысның әнисе “Бик лаек! Балаларыбызның сәламәт һәм тәмле ашавына мин бик шат. Ашханә хезмәткәрләренең яхшы эшләве һәм балаларыбыз турында кайгыртулары өчен рәхмәтемне белдерәсем килә".

Кыскасы, әлеге чарага җыелган ата – аналар туклануның оештырылуыннан кәнәгать калдылар.

Читайте нас: