Ут белән сак булыгыз

4 гыйнварда төнге 3 сәгать 19 минутта 85нче янгын сүндерү частеның үзәк элемтә пультына Гөргөри авылында мунча януы турында хәбәр килә.

Нәкъ шул минутларда Урта Акбаш авылында бер шәхси хуҗалыкта каралты-кура яна.

13 гыйнварда кич Түбән Сәет авылында бер йортта ут чыга.

Әйтелгән очракларның һәркайсында объектларга зур зыян килә.

Ут үзе белән ваемсыз эш иткәннәрне кичерми. Янгын хәвефсезлеге кагыйдәләрен һәрчак һәм һәркайда катгый үтәгез!

18нче янгын сүндерү-коткару отряды.