Бирегә теләп йөриләр

Күпләр сәламәтлекләрен ныгыту һәм кәефләрен күтәрү өчен Көдешлебаш авылына баралар. Биредә Иске Кормаш авыл биләмәсе башлыгы Фларит Гыйрфанов башлангычы белән шугалак ясаганнар. Тимераякта шуарга теләүчеләр бик күп. Яңа ел кәефе бөркелеп торсын өчен биредә чыршы куйганнар. Кичләрен яктыртыла.

Элегрәк авылдан ерак түгел чыршылыкта тюбингта шуу юлы ясаганнар иде. Кечкенә йорты да булган бу тау шулай ук яшь гаиләләрнең, балаларының яраткан урынына әверелде.

Яңа ел каникулы чорында биредә өч меңгә якын кеше булырга өлгерде.