Барлык яңалыклар
Общие статьи
6 ноябрь 2020, 13:15

Тормышым кояшы

Рәхмәт, әни!Тормышым кояшы

Тиздән илебез Әниләр көнен билгеләячәк. Әниләр көне – көндәлек мәшәкатьләр арасында да онытып булмый торган бәйрәм көне ул. Аны күп кенә илләрдә түземсезлек белән көтеп алалар һәм билгеләп үтәләр. Бәйрәм тормыш бүләк итүче бөек зат – аналарга багышланган.

Россиядә бәйрәм 1998 елда рәсмиләштерелә, ә аның турындагы беренче тарихи язмалар елъязмаларда ук очрый. Аны һәрвакыт ноябрьнең соңгы якшәмбесендә билгелиләр, димәк, быел әлеге бәйрәм 29 ноябрьгә туры килә.
Кадерле дуслар! Бу уңайдан без гәзит укучыларыбызның әниләре турында язган хатларын «Рәхмәт, әни!» рубрикасында басарга булдык. Әлегә хатлар гәзитебезнең электрон версиясе битләрендә урын табачак. Ә иң кызыклыларын 27 ноябрь көнне чыгачак гәзитебез битләрендә басачакбыз.
Хөрмәтле укучыларыбыз! Хатларыгызны 8-919-615-74-19 номерына теркәлгән ватсапка яки «Рәхмәт, әни!» тамгасы белән[email protected]u электрон почтада көтеп калабыз. Хәбәрегезгә, зинһар, фоторәсем беркетергә дә онытмагыз.

* * *

«Минем кадерле әнием Вера Усманова гомере буена химия һәм биология укытучысы булып эшләде. Бүген дә мәктәпне сагына, элекке укучыларын искә ала. Укучылары да аны онытмыйлар, бәйрәмнәрдә котлау җибәрәләр, үзләре килеп тә хәлен беләләр.

Өлкән яшьтә булуына кармастан, әнием авылның җәмәгать тормышында актив катнаша, «Бердәм Россия» партиясе әгъзасы. Безгә ярдәмче хуҗалык алып баруда ярдәмләшә.

Кадерле әнием! Сиңа барысы-барысы өчен дә бик рәхмәтлемен. Теләгем шул–сәламәт бул һәм озак яшә!»

Читайте нас в