Яңа көн
+11 °С
Болытлы
Барлык яңалыклар
Общие статьи
1 сентябрь 2020, 17:57

Хезмәттәшлек итү теләге белән

Рәсми очрашуларХезмәттәшлек итү теләге белән

Районда эш сәфәре белән Дәүләт Думасы депутаты, Мәскәүдәге «Башкортстан якташлыгы» җәмгыяте рәисе Инга Юмашева булып китте.

Сәфәр барышында Инга Альберт кызы Таш сыннар паркын һәм Кушнаренко тарих һәм туган якны өйрәнү музеен карады. Музей фондын саклаучы Илфир Кадыйров кунакка район тарихы, авылга нигез салучы һәм хәзерге вакытта Россиянең башка төбәкләрендә генә түгел, чит илләрдә дә яшәүче аның нәселе турында сөйләде.

Бөек Җиңүнең юбилейлы елында бөтен дөньядан җыелган легендар разведчиклар укыган һәм эшләгән Коминтерн мәктәбе турында да искә алмый булдыра алмадылар.

Шулай ук Инга Юмашева Кушнаренко район хакимияте башлыгы Руслан Гыйззәтуллин белән дә аралашты. Алар районның үсеш перспективалары турында фикер алышты, үз тамырлары турында онытмаучылар, туган районына даими ярдәм күрсәтүчеләр турында сөйләште. Район җитәкчесе районга даими ярдәм күрсәтүче Альберт Әхмәтшин, Марат Әхмәдуллин кебек кече ватаныбызның алга таба үсешенә үз өлешен кертүчеләргә аерым рәхмәт белдерде. Руслан Ринат улы районыбызның «Башкортстан кешеләре – төбәк кешеләре» проектында мотлак катнашачагы һәм биредән чыккан башка төбәкләрдә яшәүче кешеләр белән хезмәттәшлекне үстерәчәген билгеләде.

«Башкортстан кешеләре – төбәк кешеләре» проектын тормышка ашыру депутат килүнең төп бурычы иде. Якташлар белән эшне оештыру һәм республикадан чыккан танылган кешеләрне төбәк мәнфәгатьләрен алга җибәрүгә җәлеп итү – аның төп максаты.

Читайте нас: