Үзәк мәйдан танымаслык үзгәрәчәк

«Заманча шәһәр мохитен формалаштыру» программасы чикләрендә Кушнаренко авылының үзәк мәйданын төзекләндерү буенча эшләр башланды.
Район хакимиятенең төзелеш, арихитектура һәм торак-коммуналь хуҗалык бүлегенең проектлау буенча баш белгече Рамил Булатов әйтүенчә, беренче этапта тратуар плитәләре түшәү, ял урынын җиһазлау, электр-монтаж эшләре, яшелләндерү, кече арихитектура формалары кую кебек эшләр башкарылачак.

Проектта уңайлы ял итњ урынын төзүгә зур игътибар бирелә. Җәяү йөрү сукмагы да булачак.

Әлеге вакытта объектта унлап кеше шөгыльләнә. Эшләрне «Уралгазстрой» җәмгыяте башкара. Берникадәр вакыттан үзәк мәйдан танымаслык булып үзгәрәчәк. Ә әлегә эшләрне вакытында тәмамлау өчен уңайлы һава шартлары телибез.

Беренче этапта каралган эшләрне бер сентябрьгә төгалләү планлаштырыла.