Яңа көн
+23 °С
Яңгыр
Барлык яңалыклар
Общие статьи
12 июль 2019, 13:39

Төзүчеләр поликлиниканы «дәвалый»

Район больницасы поликлиникасында капиталь ремонт башланды. Иң башта аның нигезен ныгыталар. Ремонт эшләренә республика бюджетыннан 1 миллион 762 мең сум акча бүленгән.

Күңелле хәбәр

Төзүчеләр поликлиниканы «дәвалый»


Район больницасы поликлиникасында капиталь ремонт башланды. Иң башта аның нигезен ныгыталар. Ремонт эшләренә республика бюджетыннан 1 миллион 762 мең сум акча бүленгән.

1981 елда төзелгән бинага бер тапкыр да капиталь ремонт ясалмаган. Бу вакыт эчендә поликлиника бинасының нигезе нык тузган, стеналар утыра башлаган һәм анда ярыклар барлыкка килгән. Бу медперсонал һәм табибка кабул итүгә килүчеләр сәламәтлегенә хәвеф тудыра башлаган иде.

Тендерны «Спецгеомонолит строй» җәмгыяте откан. Эшкә июль башында керешкәннәр.

–Иң башта объектта геология-тикшеренү чаралары үткәрдек. Проектка ярашлы, нигезгә 170 куб махсус ясалган эремә тутырырга тиешбез. Бу нигез астында грунтны ныгыту дип атала. Утыз тонна югары сыйфатлы цемент сатып алдык. Ун тоннасы тотынылды да инде, – диде мастер Артем Токарев.

Цемент эремәсен нигезгә кудыру өчен 0,7 куб метр күләмле бетон бутагычы булган эремә узелы корганнар. Әзер эремә борауланган скважиналар аша 4,5 метрдан 6 метрга кадәр тирәнлеккә тутырыла. Шундый 113 скважина бораулаганнар.

«Спецгеомонолит строй» төзелеш компаниясе шәһәрләрдә күпкатлы йортлар фундаментларын ныгыту буенча бай тәҗрибәгә ия. Поликлиника нигезенә капиталь ремонтны бер айда тәмамларга уйлыйлар.

Аннан бинаныә үзенә ремонт башланачак. Анда су һәм канализация челтәре, электрүткәргечләр алыштырылачак, штукатурка-буяу эшләре башкарылачак.

Поликлиникага капиталь ремонт ясау яңасы салынмаячак дигңн сүз түгел. Алдагы елларда яңа бина күтәрү планлаштырыла.

Альберт ВӘЛИЕВ.

Автор фотосы.
Читайте нас: