Наркотиклар – ул бәла...

Суд залыннан
Наркотиклар – ул бәла...

Кушнаренко район судында гражданин С.Ф. Катериненкога карата гаепләү карары укылды. Ул Башкортстан Республикасы территориясендә, шул исәптән безнең районда, шактый зур күләмдә наркотик матдәләр сату һәм зур күләмдә наркотиклар сатып алырга җыенуда гаепләнде.
Салават шәһәре егете кече эшкуарлык белән шөгыльләнгән әнисе белән бергә яшәгән. Ул әнисенә ярдәм иткән, читтән торып югары уку йортында укыган, спорт белән шөгыльләнгән һәм бизнесмен булырга хыялланган. Үзе дә IT өлкәсендә бизнес төзергә уйлый. Нәрсә белән шөгыльләнергә – әһәмиятле түгел, иң мөһиме – күп итеп акча эшләү һәм беркемгә дә бәйле булмаска. Хыялы аны наркотиклар белән сәүдә итүгә китерә. Үзе ачкан интернет-кибет аша наркотик матдәләр тарата, чималны шулай ук социаль челтәр аша сатып ала. Игътибар итегез, үзе бернинди дә тыелган әйберләр кулланмаган.
Дәүләт карарына ярашлы, С. Катериненко узган елда Иске Камышлы авылы тирәсендәге урман полосасында тоткарлана. Нәкъ шунда киләчәктә ул сатачак наркотиклар партиясе салынган була.
Кулга алынганнан соң ул барлык гамәлләрен таный һәм полициягә актив ярдәм итә. Җинаять эшен тикшерү барышында әлеге гражданин сак астына алына. Кушнаренко район суды хөкеме аны сигез елга катгый режимлы колониядә ирегеннән мәхрүм итү жәзасына тарттырды. Тикшерү барышында егет наркотик матдәләр сату белән «бизнесмен булып уйнап карау» һәм матди иминлеген яхшырту хакына шөгыльләнә башлавын белдергән. Мондый каты хөкем чыгарылуы наркотикларны кулланучылар өчен генә түгел, аңарда акча эшләргә ниятләүчеләргә дә бәла, афәт китерүен ачык дәлилли.