Шатлыклы көн

Муниципаль район хакимияте башлыгы вазыйфасын вакытлыча башкаручы Марат Әхмәдуллин Зарина Фәрхетдиновага тантаналы шартларда торак төзү яки йорт сатып алуга социаль түләү хокукына таныклык тапшырды.

Зарина – өч бала анасы. Бу көнне ул хис-тойгыларын тыя алмады, ирексездән күзләреннән шатлык яшьләре чыкты.

– Мин ипотекага торак сатып алган идем инде. Шуңа күрә бу акча банкка бурычымны каплауга китәчәк, – диде бәхетле ханым.  

Заринаны һәм аның балаларын шушы сөенечле вакыйга белән ихлас котлыйбыз. Районыбызда тагын да бер бәхетле гаилә артты.