Бүләккә – чаңгы

Кышкы каникулдан соң физкультура дәресләрендә укучылар чаңгыга баса. Чөнки ул өченче чиректән башлап укыту программасына кертелгән. Әлеге катлаулы эпидемиология шартларында саф һавада йөрү аеруча файдалы.

«Газпром межрегионгаз Уфа» җәмгыятенең иганә ярдәме белән Шәрип мәктәбе укучылары унбиш пар чаңгылы булды. Балалар дәресләрдә яңа чаңгыларда шөгыльләнә башлады да инде. Аларга спорт ярышларында җиңүләр телибез.

Район мәктәпләренә даими ярдәме өчен «Газпром межрегионгаз Уфа» җәмгыятенең генераль директоры Альберт Локмановка олы рәхмәтебезне юллыйбыз.