Алтын билге белән бүләкләнделәр

Физкультура һәм спортны сөюче 29 малай һәм кыз ГТОның алтын билгесенә лаек булды. Аларның күпчелеге Советлар Союзы Герое Валентин Паширов исемендәге 1нче урта мәктәп укучылары.

Билгеләрне муниципаль район хакимияте башлыгының социаль сәясәт буенча урынбасары Фәнил Рамазанов тапшырды.

1нче урта мәктәпнең башлангыч сыйныф укытучылары Ольга Кифятова һәм Алсу Ганиева, физкультура укытучысы Венера Арсланова укучыларны «Хезмәткә һәм оборонага әзер» бөтенроссия физкультура-спорт комплексы нормативларын үтәүгә әзерләү буенча нәтиҗәле эш алып барганнары өчен Рәхмәт хатлары белән бүләкләнделәр.