Хәтер һәм кайгы көне

Кушнаренко авылының Җиңү паркында Хәтер һәм кайгы көненә багышланган митинг булды. Аны муниципаль район хакимияте башлыгы вазыйфасын вакытлыча башкаручы Марат Әхмәдуллин ачты. Җыелучылар Туган илебез хакына башларын салган сугышчыларны һәм вафат булган тыл эшчәннәрен бер минут тын калып искә алдылар, яу кырында ятып калган якташларыбыз һәйкәленә чәчкәләр салдылар.

Район җитәкчесе Украинада махсус операция барышында хәрби бурычын үтәгәндә һәлак булган Илвир Галләмов һәм Динар Низаевның әти-әниләренә Батырлык ордены тапшырды.

Митингта сугыш, хезмәт, Кораллы Көчләр һәм хокук саклау органнары ветераннарының район советы рәисе Венер Галимов, Әфганстанда хәрби хәрәкәтләрдә катнашучы, Кызыл Йолдыз ордены кавалеры Павел Кулинцев чыгыш ясадылар.