«Күңелле планета» көтә

Лагерьга алты отрядка берләшкән 150 бала йөри. Алар белән егерме вожатый һәм физкультура укытучысы шөгыльләнә. Өлкән вожатый Резида Ганиева һәм лагерь начальнигы Сергей Мельников һәр көн иртәнге линейкада аларны тәбриклиләр. Аннан соң гимнастика һәм бию флешмобы үткәрелә.

Линейкадан соң малайлар һәм кызлар тәмле ризыклар көтеп торган ашханәгә юнәлә.

Отряд эшләре һәм күңелле чаралардан башка лагерь буламы!? Һәр көн минутына кадәр планлаштырылган. Программага квест, флешмоб, уеннар, концертлар, ярышлар һәм башка чаралар кертелгән.

Телеңне йотарлык төшке аштан соң лагерьда ял итүчеләр өйләренә кайтып китәләр. Ә иртәгәсен инде тагын шатланып, «Күңелле планета» исемле илгә йөгерәләр.