Радий Хәбиров Җиңү көне белән котлады

Башкортстан Башлыгы Радий Хәбиров Җиңү көне белән котлады. Анда, аерым алганда болай диелә:

"Хөрмәтле иптәшләр! Кадерле ветераннар һәм тыл хезмәтчәннәре!

Сезне Бөек Ватан сугышында Җиңүнең 76 еллыгы белән чын күңелдән котлыйм!

9 май - изге бәйрәм, хәрби батырлыкның һәм хезмәт данының истәлекле көне. Ул безне батырлыкка, өлкән буыннарның ныклыгына, аларның патриотлыгына һәм җиңүгә омтылуына тиңләшергә чакыра.

Бу ел халкыбыз өчен үзенчәлекле дата белән билгеләп үтелә. 22 июньдә Бөек Ватан сугышы башлануга 80 ел тула. Бөтен совет халкы бердәм рәвештә нацизмга каршы көрәшкә күтәрелде. Нәкъ менә безнең ил зур тырышлык һәм зур югалтулар бәрабәренә икенче Бөтендөнья сугышында төп борылыш белән тәэмин итте.

Безнең изге бурычыбыз - һәрвакыт бу турыда истә тоту, совет халкының батырлыгы турында дөреслекне саклау, тарихны бозарга теләү омтылышларына каты каршы тору. Без концлагерьда газапланган, яралардан һәлак булганнарның якты истәлегенә баш иябез. Хәзер безнең белән булмаган ветераннар турында кайгырабыз.

Ил Президенты Указы белән республика халкы тарафыннан күрсәтелгән киңкүләм хезмәт каһарманлыгы өчен Уфа «Хезмәт батырлыгы һәм дан шәһәре» дигән мактаулы исемгә лаек булды. Бу истәлекле вакыйга хөрмәтенә безнең башкалада истәлекле урын урнаштырылачак. Яңартылган Совет мәйданы үзәге Русия Герое Миңнегали Шәйморатовка һәйкәл булачак. "Салават токымы чигенә белми", - дигән генерал Шәйморатов, үз сугышчыларын атакага күтәреп. Бу - халкыбызның бернинди сынаулар алдында да чигенмәячәк девизы.

Бүген фронтовиклар һәм тыл хезмәтчәннәре белән берлектә сугыш афәтен кичергән 185 мең сугыш чоры баласы яши. Хөрмәт йөзеннән, без аларга социаль ярдәм турында мөһим закон кабул иттек. Өлкән буын һәрвакыт безнең кайгыртуны тоячак.

Кадерле ветераннар!

Башкортстанда яшәүчеләр исеменнән сезгә, илебез, бөтен кешелек дөньясы өчен зур рәхмәтемне белдерәм. Барыгызга да сәламәтлек, бәхет һәм тыныч күк йөзе телим!

Бөек Җиңү бәйрәме белән!"

Фото: glavarb.ru