Хәтер бакчасы

Әхмәт авыл биләмәсендә Бөек Ватан сугышы башлануның 80 еллыгына багышлап, «Хәтер бакчасы» акциясе үткәрелде. Анда катнашучылар Кувыково авылы янында ике гектарга якын мәйданда дүрт меңнән артык ылыслы агач үсентеләре утыртты.

Чарага район учреждениеләренең хезмәт коллективлары, волонтерлар һәм активистлар кушылды. Муниципаль район хакимияте башлыгы вазыйфасын вакытлыча башкаручы Руслан Гыйззәтуллин, Башкортстан Республикасының сәнәгать, энергетика һәм инновация министры Александр Шельдяев шулай ук агач утыртуга үз өлешләрен кертте.

Киләчәктә бу үсентеләр районның урман фондын тулыландырачак.